贏過2000幾場頭馬，喺10個國家奪得超過60場一級賽，號稱當今天下第一高手嘅英國騎師莫雅，即將喺香港火併另一位神級騎師雷神莫雷拉。
莫雅：「那是下月中開始客串六星期，我只想嘗試在不同地方策騎，吸收經驗。」
不過大家想喺場外睇「雙莫」擦出火花，恐怕會失望咯，事關莫雅出咗名好靜，成個文青咁，仲有啲憂鬱嘅氣質。
對今次客串有何期望嗎？
莫雅：「應不會有任何期望，我只想改變一下，嘗試不同東西。」
啊，明白，原來咁簡單嘅！
很多人認為你嘅騎功天下第一，你自己又有乜看法呢？
莫雅：「你永遠不能說誰人最佳，很大程度是恭維之詞，因為很難肯定誰人一定可擊敗對方，我在祖家有機會策好馬出賽，沒有好馬，有沒有此成績亦難以預料。」
好喇，都係講番馬，禮拜日莫雅將會騎全日本最佳一哩馬「滿樂時」，跑香港一哩錦標。
莫雅：「此駒形格美麗，上月休後復出仍以良好姿態贏馬，今次向更高難度賽事挑戰，希望可勝任。」