這晚國際騎師錦標賽之夜，雷神頭場贏「得意財星」，一放到底打響頭炮。不過呢位萬人迷跑到第三場，卻賠了夫人又折兵，佢騎次熱門沈廐「上浦猛將」第五名衝線後墮馬，幸而有驚無險，可以繼續餘下賽事。
話說第三名大冷門由黎海榮策騎的「京城珍寶」，過終點後不知何故突急劇外閃，當時喺佢後面的「上浦猛將」雷神收掣唔切，咁就失平衡墮馬落咗樓。墮馬後，雷神於跑道上鍊住隻手狀甚痛楚，不過冇耐就企番起身，並自行走返亮相圈，仲博得全場掌聲。之後隔冇耐，佢仲笑口噬噬上台，接受司儀介紹，參加由第四場開始的騎師賽，並接收紀念品，所以話人弗往往可以逢凶化吉！