人人都關注網絡23條，來自公仔箱的歐錦棠和邵仲衡都投反對票，邵仲衡昨在電話中說：「咁多年沿用嘅版權法其實都足夠，有需要再搵嘢加嗎？新idea係大家一齊諗，百家爭鳴先進步。」他揶揄那些盲從附和官員：「庸人只係識執行『指令』，阿茂整餅。」立法會昨日流會，相信反網絡23條的抗爭路會拖長，邵仲衡仍力撐：「我係反對要倒轉行，如果政治施政係令社會向前，就會支持。」
歐錦棠寸無綫
歐錦棠則在fb借網絡23條寸無綫：「如二次創作觸犯法例，很大可能影響到我們香港唯一大台的節目質素，沒有照抄照搬。」又回應網民要先付版權才可唱《海闊天空》，明寸特首梁振英日前在fb上載與議員及高官合唱《光輝歲月》及《喜歡你》的短片。他昨日在電話回應立法會流會說：「唔好話抗爭，法例對民生有利一定支持，但𠵱家太多灰色地帶，好似有個氹，政府唔係成日話要有商有量咩。」
採訪：楊定