雖然話近排樓市陷入低潮，好少買賣，但仍有富豪繼續入市，好似新世界發展（017）創辦人鄭裕彤嘅外孫女婿曾安業（Patrick）就淡市出擊。
田土廳資料顯示，跟曾氏中英文名相同嘅買家，上月以6,280萬元，買入淺水灣道海峰園一個A座低層單位，建築面積2,400方呎，實用面積都有1,961方呎，實呎3.2萬元，屬四房連兩套房大單位。
今年43歲嘅曾安業，𠵱家係鄭裕彤慈善基金有限公司董事，亦係周大福企業行政總裁，今年4月做埋萬邦投資（158）執行董事，不過就相對低調。佢買入嘅海峰園，屬淺水灣頭段嘅分層豪宅，有52年樓齡咁耐。