呢排Star Wars熱爆，可能大家都會成日都聽到Star Wars乜乜乜，甚至身邊有唔少人會自稱係Star Wars fans(其實冇睇過都未定)。咁究竟點至算係《星戰》迷或者狂迷？動新聞請嚟一班資深《星戰》迷，分享佢哋心目中何謂《星戰》真狂迷。
七大要素成為《星戰》真狂迷：
(1) 20年星戰迷Kin話：「作為一個狂迷，我覺得至少要睇晒6部電影。」
(2) 16年星戰迷Carmen話：「狂迷會買《星戰》系列產品，然後不停翻煲電影片段。」、
(3) Carmen繼續：「至少知道《星戰》系列嘅外傳、遊戲同埋小說等。」
(4) 14年星戰迷Danny話：「真係要投入了解故事講咩。」
(5) 10年星戰迷 Myaku話：「起碼唔會叫錯角色名先，聽過有人叫錯白兵做白武士。」
(6) 16年星戰迷兼馬可多光劍香港分部光劍團長Chris話：「如果要做一個狂迷，如果喜歡
絕地武士就要自己造一把光劍。」
(7) 30年星戰迷 Edmund話：「只要肯去付出時間和金錢，佢就係一個星戰粉絲。」
《星戰》扮裝唔易做：
呢班星戰fans，除咗精神上對《星戰》支持之外，仲會身體力行玩埋cosplay出活動， Edmund嘅爸爸唐上全先生(65歲)，係全香港最老白兵，身上裝備喺外國訂返嚟之餘，仲要自己一手一腳細執，唔係一時三刻搞得掂。Edmund：「普通一套白兵(鎧甲)嚟講，要造3至4個月左右，連運費港幣六千元左右，但來貨嗰陣全部都未加工，要再去裁剪尺寸、打磨同上色等。」如果黑武士同Boba Fett(賞金獵人)，就起碼要過萬元港幣。要加入佢哋Rebel Legion HK嘅組織都唔簡單，仲要先得到美國總部審批，證明自己嗰套盔甲等裝備夠資格先得，要等幾耐審批？如果齊資料嘅話，一、兩日就搞掂！
身為光劍團長嘅Chris話：「我所有嘅光劍，都係親手逐粒LED焊接，自己做出嚟。」而大部份光劍都用咗80粒LED燈，加上特製嘅晶片先達到強勁光亮度，唔止睇得、有聲效，仲可以對打。不過10年星戰迷Tin 話：「作為一個專業嘅Star Wars fans，我哋唔主張使用暴力嘅。」
下一集，一眾《星戰》狂迷會以「劇透性分析」《星戰7》(《星球大戰：原力覺醒》)。
鳴謝：The Rebel Legion Hong Kong Base
第1集：【星戰父子情】65歲全港最老白兵：人哋唔信我咁好魄力
http://bit.ly/1PXUpX8