立法會新界東補選雖然明年才舉行，但爭拗早已出現，特別是青年新政要求與公民黨就補選進行初選，雖然雙方現階段仍屬「客客氣氣」，但有泛民中人預言，雙方早晚也會「爆大鑊」，全因正在當紅的青政，對初選種種安排太過理想化及想當然，不只公民黨未必「鯁得落」，泛民亦擔心隨時被「拖落水」。
初選開支或需數十萬
有泛民中人對季陶說，目前距離新界東補選只有兩個多月，但青政提出初選安排，「隨時要搞幾個月」，他聽聞青政想在新東開多個初選投票站，再提出想用選舉事務處的網上選民核實身份網頁，先核實他們是新東選民，才讓他們投票。該泛民中人稱，過去鍾庭耀與泛民搞民間公投，既不核實選民身份，只要有身份證就可投票，並且以網上投票為主，也要大半年時間準備，「𠵱家得兩個月，唔好話唔夠時間，就算夾硬搞，到時搞得初選嚟，邊再有時間搞補選？」
更不要說搞一次初選可能要十多至數十萬，「到時唔係公民黨畀，就可能要泛民各黨一齊夾，青政肯唔肯夾埋一份先？」而且有關開支，必計入勝出候選人選舉開支，「無端端多一筆開支，條數計唔掂」，再加上青政建議用選舉事務處的網上選民核實身份網頁，核實投票選民身份，因法律規定選民資料只可用於官方選舉用途，究竟用於民間初選，法律上是否可行？會否違法？仍要問法律意見。
所以不少知情泛民均指，他們預計初選「九成九搞唔成」，「𠵱家各方估緊如果搞唔成初選，青政會有乜行動，會派人出戰，追擊泛民候選人？定係表示理解讓路？始終佢哋唔係主流泛民，真係估佢哋唔到」。
季陶
周一、三、五刊出