效力拜仁慕尼黑嘅法國中場列貝利（左）似乎有鋪告人癮，繼早前佢告CNN盜用佢接受冷凍療程嘅相之後，日前佢就告法國雜誌《Closer》。不過，比起上次告CNN，列貝利今次就大條道理得多，皆因《Closer》之前報道列貝利再次涉嫌嫖雛妓而被巴黎警方拉咗去問話，列貝利就話雜誌「嚴重破壞佢嘅形象同尊嚴」，所以要索償40萬歐元（約337萬港元）喎！