林嘉欣與馮德倫昨日在尖沙嘴出席Letv發佈會，馮德倫導演兼監製的美劇《荒原》（Into the Badlands）剛播放第4集，他透露若收視理想會開拍續集，問他會否找嘉欣合作？他笑說：「佢贏咗獎會唔會好貴㗎？唔知夠唔夠budget。」嘉欣即笑謂：「打個折頭畀你。」
嘉欣當上金馬影后，接到的劇本也隨之增多，她說：「正常，畀人知道我正式返嚟拍戲，𠵱家揀劇本會由自己鍾唔鍾意出發，睇完劇本，連續3日都有嗰個畫面，多啲諗法就會接，𠵱家都鎖定一部好喜歡嘅，傾緊，明年開拍。」問會否將劇本給導演老公過目給予意見？她說：「畀佢睇唔係想佢從導演角度去睇，係要佢支持我，佢喺屋企湊女。」
採訪：羅慧敏
攝影：陳志嵐