【本報訊】區選期間，有關林作的網上揭秘式新聞極多，「其實我同助選團朝早同夜晚，都會睇住一齊笑」，林作說時笑嘻嘻：「我同團隊嘅分享係好及時嘅，我哋仲會click like㖭……好多古仔想像力好夠，真係好夠。」
稱網民富想像力
問及哪個「古仔」最深刻？他首選圖文並茂指中聯辦副主任林武的司機於街頭向他傳話：「話嗰個人係林武司機？好正、好牽強，有冇可能會搵個司機嚟傳話呢？打個電話就得啦！佢（網民）好有想像力，整啲相又真係幾過癮，係幾好嘅。」
師承大狀，才子背書；港姐冠軍做女友，特首之女是粉絲，林作的明星化從政之途，一直是網民「熱捧」話題。他說被惡搞為「神人」也記憶猶新：「將連串同我有關嘅：陶傑、大律師、清洪、中聯辦、林武、港姐冠軍，竟然係可以相連嘅，哈哈，仲有TVB、星島。（竟然冇齊昕？）吖，仲有齊昕。呢啲假抹黑真宣傳，有時推動到一啲關注都未必唔係好事。」
■記者許偉賢