香港迪士尼樂園嘅全新遊樂設施 「童話園林」，17號會喺幻想世界隆重登場，特別之處係將5個迪士尼經典童話場景，包括《魔髮奇緣》、《雪姑七友》、《美女與野獸》、《仙履奇緣》同《小魚仙》，隨住耳熟能詳嘅旋律，活現賓客眼前。
兼賣手鏈串飾
例如《魔髮奇緣》中，長髮公主樂佩長年被困高塔，當佢爬出窗外決心用長髮離開之時，意外地遇到費華特；童話園林內就可以畀賓客喺《I See the Light》嘅音樂下，重溫費華特帶住樂佩坐喺小木船觀賞漫天天燈嘅浪漫一幕。《美女與野獸》中位於遍地白雪同崎嶇山上嘅城堡故事，亦會搬到賓客面前，貝兒公主同野獸更會喺城堡宴會廳一齊跳華爾滋。
其實呢個童話園林係由PANDORA贊助，賓客遊樂完仲可以選購PANDORA迪士尼系列串飾，延續童話故事。