莊思敏日前在社交網站不點名炮轟一男藝人：「如果工作是等於唔尊重工作，咁我祝你冇工開啦！」遭本報發現男主角是莊思敏同門王宗堯後，王宗堯說：「識我嘅人都知我係理直氣壯，你一年好多戲拍，唔代表你就係好戲，我係為咗件事而緊張。」二人隨後將戰場升級，由網上平台轉為隔空罵戰。
勸放棄角色
昨晚莊思敏到尖沙嘴出席電影活動，甫到場已眼紅紅，當記者問她和王宗堯的瓜葛時，她即忍不住爆喊說：「其實呢個時間我接咗兩套戲（《導火新聞線》和《PG戀愛指引》），一個做談判專家一個就要染髮，其實兩套戲嘅造型問題好易解決，但王生（王宗堯）就好決絕話我唔適合做呢個角色。」
此時，莊思敏一邊飲泣一邊取出手機，展示她和王宗堯的WhatsApp對話，並說：「既然佢咁理直氣壯，我就光明正大畀大家睇吓我哋嘅對話。」在二人的對話中，顯示王宗堯打算向老闆蕭定一提出，要求莊思敏專注《PG》，言下之意要她放棄《導火》。莊續說：「斷人衣食猶如殺人父母，就算我拍兩套戲，都未試過出現撞期情況，我唔明王生點解會挑戰同評價人哋演技，作為一個演員，點解可以確定另一個演員有冇工開？」問到會否和對方坐低解決事情，莊思敏斷然說：「唔需要解決，大家從來唔係朋友，以後都唔會係。」她更表示不擔心在公司面阻阻：「公司咁多人，見到咪見，唔使講嘢，我同佢從來冇乜交往過。」
王無意拆彈
莊思敏爆喊插爆王宗堯，但王宗堯似乎無意拆彈，當他知道莊思敏在活動爆喊，他再以WhatsApp回覆本報說：「我同老闆都有溝通，唔想呢件事再畀人發大做新聞啦。」至於屬同公司的張建聲就說：「佢哋床頭打交床尾和，我會做和事老擺和頭酒，不過就要佢哋請！」
採訪：王梓嫚、曹家誠
攝影：陳志嵐