國際賽臨近，沙田馬場近日晨課好熱鬧，世界各地記者紛紛來港採訪。雖然騎師同馬匹往往才是主角，但這日有位記者妹仔大過主人婆，成為焦點所在。話說有位樣靚身材正的美國記者行來行去，追蹤外隊馬匹嘅動向，周圍探路做採訪，表現非常積極。
原來呢位正牌「美」女，叫做Acacia Courtney，年約22歲，唔係二打六嚟呀，佢曾經參加過去年美國康涅狄格州小姐等選美比賽，本身係當地賽馬媒體主持人及評論員，走遍美國多個馬場，亦喺育馬者盃日做過採訪，對馬匹知識好豐富。
今次係Acacia Courtney第一次來香港，仲幫本港一家英文媒體客串做訪問，佢話沙田馬場設備好先進，最希望兩匹香港短途錦標美國代表馬「翠面棕駿」、「蒙古週末」能雙雙取得佳績，期待周日國際賽的來臨。