樂視之前公佈取得2016-19英超直播權，不少人都擔心其網絡流量會導致流暢度出現問題，但樂視一於少理，昨日推出兩部早前在內地已發佈的Le Max及Le1s手機，並且可以以不同價錢配不同英超組合，出機睇英超。
Le Max來說，$4,499附送英超狂睇組合一個球季，而且限量發售；Le 1s則有$1,999（附送英超狂睇組合3個月）及$2,999（附送英超狂睇組合一個球季）兩個選擇，而每部機都有樂迷99狂睇組合附送。
如果一心為睇英超的話，相對地抵玩的就會係Le 1s $2,999（附送英超狂睇組合一個球季）的計劃，扣除本來一季英超（價值$1,690），用多千三元有多部手機傍身都未嘗不可。至於為何連國產機Le Max都要限量發售，唔通想學小米的銷售手法般，推少量機等人搶營造話題？
記者：方健銘