特首梁振英自從開咗facebook後，成日貼相貼自拍，原來佢仲有「特別的攝影技巧」！
好似前晚嘅經民聯三周年晚宴咁，特首突然變小fans，除咗同黃家強自拍之外，都仲影咗幾張家強台上唱歌嘅相，但呢幾張相呢，唔知點解完全影唔到家強嘅下半身，仲留空咗上面好空位，backdrop大大隻字經民聯個名。其實好可能有幾個原因：
第一：特首嘅「超然」眼力，可能睇到家強嘅下半身有啲嘢「唔見得光」，唔想影到，所以就唔影佢下半身。
第二：特首為咗影到backdrop經民聯個名，所以就惟有放棄影家強嘅下半身。
第三：呢個可能性最低，就係特首真係唔係好識影相，但特首喎，點會唔識影相呢，呢個可能真係好低。
第四：白宮發言人馮煒光唔喺度，冇人揸機…