好受少男少女歡迎嘅手機即時通訊程式LINE，今年9月喺銅鑼灣希慎廣場，開咗本港首間精品專門店。LINE傳訊部高級經理李珠賢話，LINE卡通人物實在太受歡迎，正研究在港開設一間主題餐廳，到時班粉絲肯定日日排隊打卡。
李珠賢指，LINE𠵱家喺首爾同上海設有主題咖啡店，反應非常好，但由於香港餐飲牌照要求，跟韓國與中國有好大分別，公司仲研究緊在港開餐廳嘅可能性，希望明年可以落實。
除咗希慎廣場，LINE最近亦喺旺角朗豪坊開咗一間短期租約專門店。李珠賢唔講兩間店嘅生意做成點，但就諗緊開多間長約專門店，咁應該好好生意喇。