俗稱網絡23條的《2014年版權（修訂）條例草案》，今天將會在立法會恢復二讀，逾600名網民聲稱將到立法會外集會，要求立法會議員否決草案。雖然泛民事前表明會堅決反對，但卻被批評不願加入拉布。各泛民主要政黨成員接受《壹錘定音》訪問，雖未用到「拉布」字眼，但表示會盡力發言。
工黨何秀蘭指不會使用「拉布」字眼，但工黨議員會盡力發言，「呢個法例其實好複雜，所以我希望各個黨派嘅議員都盡責地發言，協力澄清（條例）當中嘅內容，唔使拉布都可以用好多時間。」
一直聲言不會拉布的民主黨主席劉慧卿亦表示會做好自己，「議會有規則發言唔可以講重複同與主題無關，主席有權趕議員離開議事廳，若拉布就係喺規範內尋找新嘅、相關嘅內容發言，我相信喺呢條艱深嘅條例草案中能找到好多發言內容，民主黨會發言」。
而公民黨郭榮鏗則表示不應太着意「拉布」這個詞語，「公民黨原則就係我哋一定會用盡所有發言機會，當中可能要用好長時間，因為條例非常複雜」。郭表示自己已準備了多份外國法律文件、多份加拿大判詞，更直言「解釋UGC（個人用戶衍生內容）已可以講好耐」。
發言換時間 或發動流會
雖然議員聲言會在議會積極發言，但只要政府「數夠票」，版權條例依然可以通過，那麼民主派又有甚麼辦法拉倒網絡23條？人民力量陳志全（慢必）表示會盡力拖長會議，但要有兩個條件，「要睇有幾多議員積極發言，𠵱家樂觀咁睇起碼會有十幾個，正如曾鈺成所言，如果得兩、三個不停發言，佢就可以『剪』。但如果史無前例地十幾個議員都用發言機會，主席係較難剪布」。另外就是點算法定人數，慢必明言，希望泛民不要幫手「湊人數」。
慢必指現時較難評估議案甚麼時候可以表決，但如果符合上述兩個條件，有信心可以拖至農曆新年。他亦表示激進民主派五位議員，不排除發動「策略性流會」，來換取更多時間讓民間充份討論草案。
記者黎千銘
壹錘專區
星期一至五黃昏6時直播
《壹錘定音》收睇/收聽方法
1:手機App
《蘋果動新聞》手機App右上角有【壹錘定音】icon，一按即聽；按左上角icon，彈出【壹錘定音】選項，一按即睇。
2:網頁
http://www.hammerout.hk/
直播PHONE IN：
2992 3333
WhatsApp 留言/報料：
9132 3813