金管局舊年10月推出嘅兩部「神沙車（收銀車）」，話咁快服務咗超過一年多。金管局噚日公佈，推出服務至今，神沙車總共收集咗1.2億枚硬幣。兩部神沙車認真勤力，已經行遍全港18區，總共有6次循環，其間進行咗14.1萬次交易，收集得來嘅銀仔總額達1.3億元。
金管局同時公佈新一輪神沙車出沒地點，今個星期日或之前，會去到鑽石山與深水埗收銀，詳情可以上金管局網頁check番。
話時話，除咗神沙車，八達通公司近日亦開始同全線阿信屋合作，推出「找續增值」服務，可以將散銀直接找入八達通。香港人將來可能唔需要點樣袋銀仔了。