每年12月第二個星期，就是香港馬會的「黃金周」，活動一浪接一浪，先有快活谷國際騎師錦標賽，繼而上演沙田馬場四場國際一級賽，可以話係每年年尾全球馬圈嘅焦點。
「黃金周」第一波巨獻騎師賽之夜周三(9日)就上演，全晚九場賽事，大摩共派出八匹馬參戰，陣容無疑鼎盛，但實情卻是甜中帶苦。
說話第九場二班1800米的「聰明才智」堪稱黑仔一族，牠在10月中旬一場賽事，因左後腿受傷排位後退出，打亂進軍國際賽的大計。上仗下旬趕工夫復出跑田草1800米，進足未夠之下只得第5，入選國際賽美夢落空。
大馬主蕭百君引入「聰明才智」，原意是進軍上屆打吡，點知只做後備一，無法補出，錯失一生只得一次的機會，但喺打吡後三日嘅一次谷戰，「聰明才智」配雷神熱門取勝，足以證明隻馬當時其實係有上佳戰鬥力，冇得跑打吡絕對可惜。
今季「聰明才智」緣盡國際賽，唯有退而求其次，難得周三有一戰即勝嘅谷草1800米賽程，莫雷拉亦作出配合，棄騎同場忠心馬「連利之星」而為「聰明才智」效力，這天雷神親自為隻馬試草地，包辦晒「聰明才智」上仗賽後所有快跳，大摩亦好緊張，操練前後跟出跟入打點一切，睇得出團隊有好大決心攻下此賽，作為錯過國際賽，而向蕭百君作出嘅補償。