無綫綠葉王孫季卿是一班主角背後默默耕耘的中流砥柱，對後輩愛護有加。劉松仁透過WhatsApp懷緬卿叔：「卿叔，您是我們後輩的學習對象。默默耕耘，視名利如浮雲，一生忠於藝術的真正藝術家。永遠懷念您！一路好走！」而佘詩曼在《使徒行者》與卿叔合作，她昨說：「我哋關係好好，佢好平易近人，亦係一個好風趣好幽默嘅老人家，以前佢住深井，成日話要請我去深井食燒鵝，聽到呢個消息好唔開心。」
馬國明表示要珍惜這個年紀的前輩：「因為係冇得代替，小生要代替好易搵到，冇晒呢班前輩，有主角都冇用。」馬浚偉覺得卿叔猶如慈祥的爺爺：「佢好敬業，永遠準時，唔使拎劇本都清楚所有對白！」呂珊和祝文君昨到在油麻地開工，均對卿叔離世感惋惜，大讚他是一位有份量前輩。