卓能深圳龍華樓盤名為OPUS，改名改到同位於本港東半山、由太古地產（1972）發展貴絕亞洲嘅OPUS（傲璇）完全一樣，唔通想締造癲價？
集團執行副主席趙式芝直認，欣賞對方樓盤名稱，今次項目由佢爸爸趙世曾精心設計，具備藝術元素，創作團隊從幾個名字，最終揀選呢個名。趙世曾就話：「呢個名喺大陸有宣傳價值，冇諗到香港有冇呢個名，個名係字典搵出嚟，指好高貴嘅商品咁解。」
深圳龍華逾千伙，總值70億元，面積約829至1,163方呎，入場費約387萬元，呎價4,000、5,000蚊，較香港OPUS呎價由7萬至10萬元，真係冇得比。