英格蘭西北部地區坎布里亞郡最近受水災侵襲，唔少地方都有嚴重水浸，搞到部份地區停電同埋上千人無家可歸。位於當地嘅英乙球隊卡素爾，一班球員就自發出心出力幫助災民，一隊同埋青年軍球員全部願意幫手，無論係清理傢俱定清洗泥巴等大小事情都可以，認真熱心。其實卡素爾主場都因為今次水災浸到草皮都見唔到（圖），難得班球員肯向居民伸出援手，值得一like。