今季美職季後賽不時爆冷，啲熱門球隊好似紐約紅牛同西雅圖海灣者等紛紛出局，就算係去到總決賽，都依然係稍被睇低一線嘅球隊勝出！因為波特蘭伐木者（圖）喺周日一場過嘅總決賽，憑住華拿里開波僅27秒就把握哥倫布機員門將史提夫奇勒解圍出錯而入波，成為美職總決賽史上最快嘅入球，加埋隊長洛尼華萊士建功，作客以2:1擊敗機員，首次成為美職總冠軍。