卓韻芝前晚在灣仔伊利沙伯體育館做棟篤笑，前晚頭場有阿芝外婆、黃耀明、徐天佑、張栢芝同鄭秀文（Sammi）等捧場。阿芝開場大玩特首梁振英女兒梁齊昕，阿芝與現場觀眾齊齊為齊昕改英文名，觀眾起哄大叫Lobster（龍蝦），阿芝說：「Lobster係媽咪，佢應係Lobster Junior，齊蔭即bob頭，又可以叫Leung Bob Hair。」阿芝又爆料外婆不時叫她出露台收衫時餵蚊，阿芝詐外婆型：「She is not my biological grandmother（她不是我親生外婆）！」觀眾聽到後爆笑。
阿芝又要現場揀無罪可上天堂的人，還拉徐子淇孻仔落水，阿芝即說：「唔得，因為佢係富二代，有原罪，Juno（麥浚龍）個樣又似伯多祿，計起嚟得梁振英可以上天堂，得佢冇做錯嘢，同埋林鄭月娥，天堂為佢哋預留咗位置。如果有佢哋，我寧願落地獄。」
揶揄TSA
看到台下的栢芝，阿芝又說：「你同我講你有咗精神病之後，精神咗好多。」栢芝回答：「係呀。」由於騷的主題是單身，阿芝質疑幸福人妻Sammi前晚為何到場：「你冇資格喺度，你係全世界最幸福嘅女人。」Sammi笑言：「其實每晚我都有家暴，你畀我一日single啦！唔好晒幸福啦，會俾人鬧。」阿芝又揶揄TSA（全港性系統評估），她說：「咁會搞到啲家長冇性慾，連周秀娜除衫都冇反應，爹哋下身癱咗。」阿芝指現在養小孩一個要花一千萬，可以炫富，台下栢芝高舉兩隻手指示意有兩個仔，阿芝笑她擁二千萬。
另外，阿芝成為全晚的Miss Single冠軍，並獲Sammi加冕。問阿芝為何只給粉絲擇偶，不給自己搵對象，她解釋：「幫自己搵就好變態，呢啲嘢睇緣份。」
採訪：王連連
攝影：陳順禎
