計步器是幾乎被市場淘汰的產品，但美國有間公司將計步器概念化為賺錢金蛋，創造市值70億美元公司。美國智能手帶Fitbit表面上生產運動配備用品，實際上係一間潛力十足初創。8年前由現年39歲美籍韓裔James Park同朋友Eric Friedman成立。2009年推出首款可監測心跳同追蹤步數運動手帶，將手帶收集數據同社交網、智能手機結合，重新定義計步器。今年6月納指掛牌，由招股價20美元計，截至上周五收市價累升65%，最新市值達70億美元。
呢兩年運動健身熱潮殺入內地，多人網上分享今日跑幾多公里，甚至「微信運動」同其他網民鬥行得多，步數越多排名越前，呢個運動熱亦造就智能手帶無限商機。市場研究機構IDC最新公佈，全球運動手帶銷售今年第三季達2,100萬隻，比上年同期增近兩倍，主因是亞太區市場需求大升。Fitbit上季市佔率跑贏Apple Watch錄得22%；售470萬隻，Apple Watch及小米mi band分別賣390萬隻（186%）及370萬隻（17.4%）。
Fitbit運動手帶成功好似蘋果iPhone咁，當年將手機重新定位，傳統或面臨被淘汰產業，未必注定入窮途。大數據時代下，社交網同運動cross-over，繼續孵化金蛋。
C+B