謝賢（四哥）今年8月在《四個小生去旅行》記者會上怒摑曾江，全城哄動，四哥直斥曾江自大兼乞人憎，又大爆曾江嫌他配音NG阻收工等等。事隔多個月，曾江忽然在昨日一專訪中向四哥道歉，承認自己做錯，他並非有心傷害四哥，只是無意中刺中他痛處，希望四哥原諒。記者昨致電四哥，對於曾江道歉，四哥說：「道歉咪道歉囉，都過咗去，過咗咁耐，仲提嚟做乜，我都唔記得咗。」曾江則至截稿前未聯絡得上。
當日胡楓（修哥）無辜遭四哥打甩眼鏡，對曾江向四哥道歉，修哥昨在電話回應說：「咁咪好囉，幾十年朋友，有乜所謂吖，一笑泯恩仇啦，其實都唔係仇，只係一啖氣啫！」
採訪：陳杰、魯吉