「岳少」都反對「網絡23條」？無錯，係就係岳少，但絕對唔係旅發局主席林建岳，而係公民黨新東支部主席楊岳橋Alvin！
網絡23條周三開始喺立法會審議，但唔少市民仲未知，魔鬼就在細節！身為大律師嘅Alvin就主動出擊，啱啱過去嘅周末周日分別喺沙田同將軍澳開檔「陪我講」，以流動講堂嘅輕鬆模式，同大家講網絡23條禍害。
Alvin話連日反應唔錯，有啲路過嘅學生哥都留心聽講，亦有唔少問題提出，大家有問有答。原來佢呢個陪我講系列，今次已經係第二擊，上次嘅主題係一地兩檢。Alvin覺得家陣要鼓勵公民參與，唔可以只係攞住大聲公，喺街頭大嗌反對乜乜乜，希望透過「陪我講」同大家深入淺出。