國產奀星肌男孫祖君上月底陪白緯玲夜蒲蘭桂坊，他還爆曾受Yumi邀請上其香閨聽她的專輯，又在微博晒Yumi出席他的生日會相，足見兩人情非泛泛，不過，Yumi為哭求猷君復合，昨日跟孫祖君劃清界線，孫祖君卻不甘降呢變瘋狂粉絲，接受本報訪問時反插Yumi：「唔相信佢會用啲咁嘅形容詞形容朋友！如果係真嘅話，我覺得好唔應該。」
孫祖君強調跟Yumi只是朋友：「我嚟香港工作，同佢只係朋友式見面，而且唔係單獨，仲有其他佢嘅朋友，我上次同Yumi見面係今年8月我嘅生日party。」記者謂上月尾雜誌才影到兩人夜蒲蘭桂坊，他說：「嗰次唔係得我哋兩個，仲有其他朋友。」孫祖君表示現全部精力集中工作，準備推出下一首新歌，明年2月有新戲上映，希望大家多留意他的工作。
採訪：鍾國仁