香港男子花劍隊嘅內部競爭一向最激烈，噚日喺石峽尾體育館舉行嘅香港劍擊公開錦標賽，男子花劍四強分別由張小倫、崔浩然、張家朗同陳建雄角逐，最後崔浩然憑經驗先以15:9淘汰家朗，決賽再以15:5擊敗雙腳抽筋嘅陳建雄封王。世界排名57位嘅崔浩然，雖然比香港最高排名、30位嘅家朗低，但要爭最佳排名去里奧，所以佢喺餘下三站排名賽會積極搶分。