楊千嬅、「光纖之父」高錕夫婦及兒子，昨日在又一城出席「高錕慈善基金聖誕籌款活動」，楊千嬅鼓勵大家行善幫助腦退化症，她透露以前當護士時曾照顧腦退化症病患者，認為關懷很重要，而患者家人更是病者生存力量。問到千嬅記憶力如何？她說：「唔可以賴生完個仔冇記性，可能生完半年就做手術，兩次麻醉好近，對記憶力有影響，我發現成日唔記得嘢，有時見到人要講一輪先記起對方叫乜名，瑣碎事成日唔記得，歌詞都會唱唱吓唔記得。」
千嬅為保存記憶而要求老公丁子高用寶麗來拍下一切，她說：「老公話我黐線，我只係想做紀錄，生老病死係正常，好好養生，可惜我唔受補，只係食維他命同合桃補腦。」
採訪：卓寶花
攝影：仇志德