當聯儲局加息遇上交稅月，儲了成年錢交給稅局，接着又要準備一大堆支出，過年使費、保費、驗車年檢，每年首三個月都入不敷支，又難寄望在投資上有斬穫，通常會把儲蓄拿作定期存款幫補下。趁外幣（包括人仔）利率高少少，暫時做三個月定存收息先。
老樓一直無借銀行錢交稅、或者買儲稅券，不想畀銀行賺我錢，基本上除了每月定期還卡數之外，都沒有欠債太多，我的投資觀念較為保守，不想孭太多債影響生活質素，所以多次買樓都以full pay為主，雖然正值加息周期，起碼冇負債都冇咁大壓力，當然層樓貶值咗，不過一日未賣出都是自己的資產。
自7月股災後，樓價真的跌下來，但整體跌幅只有5%以內，全因為業主不肯低價賣及一手搶二手客，有樓者受制於辣招稅未敢貿然換樓，買的只是買來收租（見上周世宙首批單位多收租客），無樓者欲透過發展商高成數按揭快點兒上車，自然形成了熱鬧場面，故此他們仍不太相信樓價會跌得太多，趁發展商以低價促銷及按揭等雙重優惠下先置業。
既然每逢年尾例旺的樓市在新盤市場出現，待完全消化了來臨中的加息期，按現時購買力和二手樓價跌唔得幾多的預期下，明年初樓市可以見底回穩，二手成交在新盤車輪轉的連環攻勢之下，相信未來三個月的樓市暫難有起色。
劉兆昌
資深地產傳媒人
http://www.HKLau.com