【本報訊】好學生不一定是品學兼優名校生，好老師不一定是教出十優狀元的名師，司徒華教育基金舉行第4屆「好學生·好老師」表揚計劃，獲獎的7名學生和5名老師，當中有患癌老師，亦有失明學生，他們沒有傳統教育制度下的亮麗成績表，卻擁有教與學路上最閃爍的人生。
12年前患上咽喉癌的馬欣欣，任教香港道教聯合會圓玄學院第一中學已有21年，可說是一名「非常老師」，她不只是在課室內才是老師，課室外也是一名好老師。「我係好鍾意做班主任，因為可以直接同學生接觸，係一種『入心』嘅溝通。有位中二女學生，因為身上長期有異味，冇同學肯同佢玩，於是我行近嗅佢身上嘅味道，買洗頭水同佢洗頭。」
2003年患上癌症，她要接受連串治療，原本康復後要休養3個月，結果只休息了一個月，因她心繫學生，「患癌後繼續工作，體能上有心無力，但我嘅教育理念冇變，學生更因為知道我有病，好多事都識得自動波，我望住佢哋成長好欣慰」。
馬欣欣一直幫助家境有困難的學生，成立「海豚之家」為新來港學生爭取學習資源，已升讀大學的張淑晶是馬欣欣的獎項提名人，「Miss Ma對我嘅教育唔止係學業上，更加係品德上嘅培育，係影響我最深嘅老師」。
失明生挑戰讀法律
21歲的謝思健同學自幼失明和肢體殘障，學習路上遇到很多困難，才能完成主流中學課程，更考上大專法律系課程。身為弱勢社群一分子的謝思健，夢想是成為一名法援律師，「我想幫助番弱勢社群，所以行呢條路，但香港冇法律點字書，以文字為主嘅法律行業，對我而言係大挑戰。」同學只需花15分鐘讀完一份法律文件，他要花兩小時，「讀咗兩年真係幾辛苦，但呢個係我嘅興趣，老師和同學認為我做唔到，但我點都會堅持落去」。
■記者梁佩珊