【中環】曾受抑鬱症困擾的男歌手藍奕邦，走過高山低谷後已經康復過來，不僅重新投入工作，更恢復社交生活。
出車費送走友人
昨日凌晨一時許，藍奕邦偕友人現身中環卑利街的Fridge西餐廳，記者見他飲到面紅耳熱，跟朋友有傾有講，又隨着現場播放音樂搖擺。沒多久，一位穿白色恤衫的男友人坐在藍奕邦身旁訴苦。至凌晨2時，藍奕邦先陪該名男友人離開，男友人飲到有點腳步浮浮，又悶悶不樂地扁嘴，藍奕邦於是從銀包掏出100元給對方搭的士，男友人感動得雙手攬住藍奕邦，藍奕邦不但未有抗拒，還一度雙手攬住對方以作安慰，繼而搭住對方膊頭到街口截的士。在等車期間，藍奕邦輕吻友人太陽穴，待對方上車後，藍奕邦始返回餐廳繼續與其他人傾偈暢飲。
大概一小時後，藍奕邦陪朋友到便利店購物後再折返餐廳；心情靚靚的藍奕邦還一時興起跳舞，他與友人逗留至早上6時才盡興離開。對於深宵為好友解憂，藍奕邦所屬的環球唱片公司昨代回覆說：「阿邦嘅朋友飲多咗酒啫，佢冇事唔開心，阿邦好番七七八八啦，過完年後會有新歌。」
採訪、攝影：徐錦池、梁繼光、羅德光
