歷年的電影中有不少深入民心的歹角，哪個會是劉青雲與林家棟心中最經典的一個？青雲先說：「一定係黑武士啦！佢奸到可以出公仔，仲要咁賣得，電影拍咗6集，都係圍繞住佢嘅，仲要大家都期待再見番佢，試問仲邊有一個奸角勁得過黑武士？」
家棟則選自己演繹過的「東莞仔」（電影《黑社會》的角色），他說：「佢係為求上位不擇手段、出賣兄弟，呢個角色畀到好大發揮空間我。」
必睇系列：《教父》
近年不少賣座電影都會開拍續集，其中青雲更拍下不少系列電影，如《暗戰》和《竊聽風雲》等，問到二人歷年來必定追看的系列電影？二人異口同聲選《教父》，其中家棟表示：「《教父》一直有追，因為自己好鍾意人性電影，另外仲有《星戰》，因為細睇到大，係情意結。」
青雲亦稱《教父》是自己的all time favorite，他說：「我都唔知睇幾多次，以前我喺會將餅帶放喺錄影機入面，放工返到屋企冇嘢做就篤入去睇，《教父》係好少第二集幾乎好睇過第一集。」
