另一個多仔公、現年46歲的陳浩民，早前宣佈老婆蔣麗莎懷第四胎，預產期為明年夏天，昨日黃昏蔣麗莎在微博貼相，呻在入境處等了超過100分鐘，指每次來港都會遇上同樣遭遇。她離開入境處接受本報電話訪問說：「我嚟香港生BB，但因為浩民喺內地拍劇，未有時間一齊去長沙攞公證書book床位，入境處職員就問我冇公證書，老公又唔喺香港，點解要嚟？我話我三個BB喺香港讀書，我係媽咪，當然要嚟照顧佢哋啦！」
蔣麗莎又表示，預計本月底會有身份證，這期間比較尷尬，她激氣說：「如果我老公死咗咁點算，我一個人都要嚟香港照顧小朋友。」身在內地的陳浩民亦發微博說：「香港海關大人啊，我已經生四個了還能是假結婚嗎？能不能對我公平點……。」事後他以短訊回覆本報：「大肚婆一定好緊張，到時如果因為緊張出咗乜事，相信大家係唔想見到，所以我希望有關人士可正視呢個問題，有冇更快捷處理呢啲case？」
採訪：小米、比華利
