鄭秀文、林子祥和Twins昨日在銅鑼灣出席HMV開幕派對，對於許志安在內地參加比賽被崔健狠批一事，身為太太的Sammi被問此事時，她說：「我唔俾意見喇，作為另一半淨係會擔心佢食得飽唔飽，暖唔暖，但係好多謝憶蓮喺呢件事上，花咗好多時間教佢唱歌同揀歌，希望大家專注喺音樂呢件事。」她續說：「我只係喺屋企先俾分，唱得好咪有湯飲，唱得唔好咪食風。」
另外，又被影到與男友Ricky當街鬧交的戴夢夢，甫到場一度迴避不做訪問，但最後亦有受訪，她說：「其實已經係上個月嘅事，根本唔係乜嘢大件事，我都忘記咗，只係小事，嗰陣我係落車唔係跳車，我哋感情好好。」追問婚期時，她表示不想講太多，但問她是否不滿男友未辦妥離婚手續，她則強顏歡笑地說：「多謝晒，我唔講喇。」
採訪：王連連
攝影：陳志嵐