白鴿黨明日召開周年會員大會，雖然未夠期改選黨內正副主席，但會補選3個黨中委空缺。八方聽聞，4名參選人中，3人屬「乳鴿」，包括早前落力為南區區議員柴文瀚助選、前中大學生會老鬼林嘉嘉，「阿柴」議辦主任、支青組主席鄒旻芳，新當選半山東區議員、許智峯中區孖寶拍擋吳兆康（圖），同創黨黨員林子健。由於阿柴同阿峯都已黨內報名，有意出戰下屆港島區立法會選舉，唔少黨內花生友就話，今次係「柴」、「峯」兩陣前哨戰。八方噚日就此問過吳兆康，佢話自己無咁嘅心態，但近日都有努力拉票，坦言目前勝負難料，可能難選過區選喎。