0靚模CoCo（袁晴晴）因為偷手機上訴案而為人認識，其實呢個CoCo靜咗一排，點知突然向傳媒爆料，話最近因《警訊》節目爆紅嘅巨警訊之花Heily（馬溱禧），原來係0靚模界賣淫agent，CoCo仲拎出WhatsApp截圖及短訊做證，而該訊息係前年10由一名叫「Heily Ma」嘅人發出，頭像同現時Heily用嘅頭像一樣。
對於被指係淫媒agent，Heily昨晚接受《蘋果》訪問時強調，自己唔係淫媒。Heily表示：「我0依家冇任何嘢回應，唔想被人利用到我再上娛樂版。但我只能夠講，我係唔會做淫媒中介，我係唔會賺呢啲錢。」
之後Heily禁不住斥CoCo：「其實呢個CoCo Yuen，我完全唔識佢，係直至到佢話叫人幫佢找20萬Chanel袋嗰張單之後，我先知佢係邊個，同埋對呢啲受法律制裁完全睇佢唔起，你要買Chanel就叫人買？冇嘢嘛，你自己唔識搵錢咩？20萬買袋，你既然咁鍾意，你咪搵錢買。」
Heily續說：「雖然我都知佢好恨上娛樂版，但冇辦法，佢啲新聞全部上港聞，因為牽涉到呃人哋錢，隨便啦，佢鍾意抽水就抽水，但我只能夠講，我冇做過淫媒中介，同埋我係唔需要靠呢啲嘢嚟搵錢。」
講到WhatsApp頭像，佢話：「我想講我頭像呢張相，我喺係兩個月內影，我13年冇可能係呢張相。希望呢個叫CoCo嘅女仔，佢喺感化令呢一年內，佢可以諗清楚以後條路點行，希望佢可以改過自新，唔好再貪呢啲嘢，唔好要人送乜嘢，或者偷人哋嘢。」