F1車隊麥拿侖周四突然公佈概念車MP4-X（圖），驟眼睇仲以為係新戲《蝙蝠俠大戰超人》入面架蝙蝠車。麥拿侖聲稱MP4-X係劃時代嘅作品，因為車手只要連接咗無人駕駛系統，就可以憑腦部控制架車；而封閉式駕駛艙個蓋，仲可以確保車手安全，加上成部車用記憶金屬製造，撞咗車都可以回復原形。最重要嘅係，車身兩邊有螢幕，想落幾多廣告都唔驚冇位啦。