【本報訊】自從港大爆發副校風波，大專院校及專業界別各項選舉變成兵家必爭之地。和平佔中倡議人陳健民指出，雨傘運動後中央必定對港加強控制，尤以大學及社工等界別最為敏感，「社工界（染紅）唔似得大學咁明顯畀你見到，一定要防患未然」。
陳健民指出，相較其他國家，本港社福界資源上依賴政府的程度屬於高水平，加上中港社福界交流頻繁，加深業界染紅憂慮，「年輕人捲入運動，好多時社工會同佢哋走埋一齊，甚至去前線抗爭。中央喺社工界選舉背後發功希望加強控制，可能性係存在」。以往學者及專業人士一直忽視此類選舉，導致建制有機可乘，「要盡我哋辦法，每一寸土地都要爭番嚟，重奪番我哋嘅社會」。
今次社總及社工復興運動均派人出選社工註冊局，被指內訌。代表後者、獲陳健民力撐的邵家臻表示，與社總事前沒就出選安排溝通，但雙方無內訌，他本人曾任社總理事多年，遭政治打壓時也獲社總協助。
對於會否分薄票源，間接增加親建制候選人勝算，邵答道：「唔一定要我哋贏，只要唔好畀紅底嘅人入嚟就得」。
■記者白 琳