禮拜日沙田賽事以泥地為主，共編七泥四草，草地用C加3欄作賽。睇番最近11月8日同一移欄賽事，後追馬表現不比前置馬遜色，如「酣睡密碼」、「最新鮮」、「吉祥」及「天才」俱居中後上勝出，而共通點都係在彎位貼欄推進，走外叠發力好蝕位。
今戰列陣馬中，四場「金鎗俠」七次角逐田C加3欄仍未失前四名，重返強項可坐位望贏。另外，十場「奮鬥雄心」係全場唯一贏過C加3欄1400米之參戰馬，憑較佳場地經驗可秤先。
至於泥地跑道曾於周二進行翻土工程，預計場地狀況與11月8日相同，當日兩匹泥地頭馬「紅褲精神」及「首飾孖寶」俱守三四位建功，前置馬可秤先，以上兩駒適逢又於今次賽事上陣，當然值得優先捧場。