容祖兒和陳寶珠昨日於尖沙嘴出席活動，談到郭富城高調公開戀情，祖兒直言戥城城開心，並大讚對方舉動勇敢。問到祖兒與男友劉浩龍有否十指緊扣揸車？祖兒即謂：「私下嗰啲我唔會同大家分享，我會叫佢小心啲揸車，因為咁好危險，唔好分心。不過睇到啲相真係好好笑，大家都好大發揮，睇到啲拖腳相。」
提到蔡卓妍（阿Sa）在生日會被拍下得醉酒罵朋友兼對男人失去信心？祖兒說：「唔會，條片斬頭斬尾，唔知佢中間講咗啲乜，大家唔使咁敏感對號入座，學城城話齋，佢係個好勇敢嘅女仔，會追求自己嘅幸福。」同場的陳寶珠則表示聖誕將跟家人開party慶祝，問到她可會催囝囝楊天經生B？寶珠姐即謂：「唔會，唔好畀壓力佢，佢哋自己都想嘅。」
採訪：譚倩宜
攝影：陳慧安