黃秋生曾經講過，有啲大媽/女流氓，偷換概念上綱上線日日係咁鬧人係咁檢舉話呢個港獨嗰個唔愛黨，完全唔需要邏輯唔需要證據——越理佢，越衰。秋生話:「不能流芳百世，為求遺臭萬年，咁你同呢啲人一齊做咩啫？你唔報道佢，佢所有嘅行為都唔理佢，咁就最好喇。」
係嘅係嘅，但今次呢單嘢，不能不報。就係，「女流氓」俾微博「河蟹」，用fb術語，即係hide咗佢個post。
呢位陳姓大媽，日日喺微博FF，呢期對準王姓男神，然後又出一post，cap晒香港網媒關於佔領行動之報道，然後寫咗一抽字，係咁數落:「我為甚麼對『佔中』這麼憤慨？因為有些事情無論用甚麼詭辯方式，只要稍有腦袋的人都不會被迷惑!佔中本身就是由港獨份子所領導的，(下刪數百字) 這些佔中藝人請你滾出內地!演唱、演戲、出書都不可以!」
觀乎陳姓大媽嘅cap圖功力，應不比「台獨剋星」黃某差，但竟然，陳大媽呢篇微博，俾新浪河蟹咗!
明明自己嘔心瀝血宣揚愛國愛黨，毫然遭新浪微博河hide，難怪陳姓大媽怒道:「抗議新浪屏蔽我微博!」
識得睇，當然係睇大陸網民留言，真係……第一句已經令人拍案叫絕:
「淨心姐，內地不像香港，網路管的很嚴，你說話必須小心點，新浪估計是想平息民憤，因為這樣兩邊互撕會越來越極端，還是和為貴。」
「越發懷疑新浪到底是不是中國的社交媒介？這種社交平台不就是言論自由的平台嗎？愛國人士連自己的愛國言論都隨意遮罩，還有啥意思！！！」
「言論太過激、舉報太多了！一個月舉報二個做的過火的就行！」
「新浪嚴重傷害了我們中國人的感情!」
「不會新浪是佔中的支持者吧」
「如果連愛國人士都遭遮罩，哪那些大是大非面前正義在哪裡？擦亮雙眼好嗎。」
「如果新浪遮罩你微博，我們通知所有愛國人士全體用騰訊，他敢關試試看。」
「新浪還我們一個自由表達意見的淨土吧」
即係咁，當陳姓大媽同佢一眾fans都喜歡「以言入罪」、無限上綱嘅同時，卻批評新浪微博不給人表達意見之自由，矛盾，此其一；
其二，大陸網民都講咗，「內地不像香港，網路管的很嚴，你說話必須小心點」，由此見出香港言論自由、表達自由之可貴。
其三，唔想香港淪為「鄰近經濟強國」咁失卻網絡自由，網絡23條，魔鬼在細節!
其四，學王宗堯話齋:「微博找知音，願你永遠留在那片淨土」。