星夢娛樂老闆何哲圖的愛將鍾嘉欣，有指早年因掛住拍拖，被吳若希（Jinny）乘機攝位成星夢一姐。近日有指嘉欣BB重奪一姐寶座，獲無綫揼本六位數為她拍新MV。反觀Jinny新歌MV則要夾埋胡鴻鈞的MV一齊拍。
Jinny前晚現身中大校園騷時，最初迴避問題，更搵身邊胡鴻鈞擋駕代答：「星夢個個都團結，冇分高低，反而Jinny成日做我阿四，佢唔在乎地位，只想服侍我。」Jinny亦插嘴說：「其實我哋兩個MV都好揼本，走咗五、六個location，兩個MV一齊拍唔代表慳錢，因為兩個MV都有故事性，襯番首歌。」
此外，最近有報道指周柏豪接拍無綫音樂電影《愛情來的時候》否決起用吳若希做女主角，之後由黃翠如頂上，柏豪昨否認揀對手。
採訪、攝影：譚倩宜