因為縱容亞視拖糧，亞視執董葉家寶前日被法院判罰款15萬元，昨日葉家寶與袁潔儀等人在灣仔出席活動，家寶表示目前的確輕鬆了不少，問到罰款將會由哪一方支付？他說：「董事會開過會，認為係公司缺乏資金出唔到糧，我都係打工受薪，冇任何利益，所以覺得公司應負責呢筆錢。」再問他會否留有案底？他說：「我自己都唔係好清楚，法律顧問同我講有，案底有好多種，自己都要了解下，暫時未知影響有幾深遠，但對人生係有缺憾。」
不過家寶亦多謝當時留守的700位亞視員工：「𠵱家已學識適當嘅時候保護自己，因為香港係有法例嘅，希望老闆股東可以準時出糧，因為辛苦工作嘅員工，出糧係天經地義，執董係義無反顧維持呢個舉動。」
採訪：譚倩宜
攝影：陳慧安