區選曲終人散，係時候檢討吓選舉得失。民主黨製作咗一系列「後區選」短片，搵嚟黨內老將、新星大談區選點滴，頭炮係今屆以54票之差失落葵青石蔭議席嘅副主席尹兆堅。到底阿尹輸啲乜？條片開始就由佢本人「解答」（圖）：「低炒影得我肥；阿姐(劉慧卿)鬧呀，阿姐話我輸因為我肥呀。」當然呢句係講笑啦！
阿尹自言落選一刻係有啲突然，投票日到下午4、5點已見形勢唔對路，一嚟見好多生面口嘅人士入區，而路過街坊行過都話「你贏梗」，可能因此冇出嚟投票，但佢強調頂得住，揚言會捲土重來。
「後區選」短片逢周二及四出街，下集有白鴿黨「大長今」曾素麗，之後仲有中西區「孖寶」許智𥧌同吳兆康登場。