其實早在HTC One A9發佈時，已有人大叫它激似iPhone 6s，同時HTC亦反擊話其實一直都係iPhone抄佢地……而HTC暴剛剛才再為A9推出金色版本，現場看實機，其金色雖然比iPhone的好像微微深了一點，但驟眼睇，特別是機背真係有9成相似，喜歡iPhone樣但又愛Android系統的人大可考慮考慮。又其實邊部抄邊部，個人來說又真係沒太大興趣，反正現時手機外貌都差不了很多。單就A9的規格外形而言，其實相當不俗，而價格上亦比其他品牌的旗艦機稍低，今次加推金色唔知又吸唔吸引到你呢？
記者、攝影：韓繼聰
