【本報訊】阿信屋又有新搞作，夥八達通推「找續增值」服務！顧客在該店購物後不想收零錢的話，可選擇將零錢增值至八達通卡。阿信屋老闆林偉駿形容一舉兩得，既可唱少些散銀，亦方便顧客。
八達通發言人指，新服務於本月1日啟用，目前在馬鞍山迎濤灣、將軍澳東港城、美孚曼克頓山、觀塘apm、觀塘興運倉五間阿信屋分店試行，下周一起將會在全線分店推出。據悉，八達通有意把這服務推廣至其他商戶。
減少攜零錢不便
不過，既然持有八達通，誰會先使用現金買零食，再將零錢增值？林偉駿解釋，新「找續增值」服務是針對一些「有紙幣要使、但又唔想收番散紙」的顧客：「好似你有張廿蚊想使咗佢，買15.5蚊嘢，咪可以揀4.5蚊入番落八達通。」他認為新服務推出後會有一定需求。
《蘋果》記者親身到阿信屋試用「找續增值」，使用20元購買價值8.1元的薯片，餘額則增值至八達通，整個過程少於一分鐘。店員指出找續的錢「一係入八達通，一係全部收番現金」，不能「一半一半」。
大部份市民歡迎新服務，亦表示有興趣使用。市民何先生表示認同新服務多個選擇，較方便，但覺得有時找續收到散銀都無所謂，因散銀有其他用途。
八達通發言人指，新功能減少處理現金，有助推動香港成為一個「無現金社會」，減少攜帶零錢的不便。林偉駿則透露，今次屬八達通主動尋求阿信屋合作，而計劃籌備約兩個月，阿信屋毋須額外投資。中大商學院助理院長李兆波認為，是次新服務對八達通較有好處，「無論係1蚊幾毫，入咗嘅錢點都係要使咗佢，其實係鼓勵利用八達通消費，佢哋自己都賺多啲手續費」。另外，他指阿信屋可省回到銀行「唱錢」成本，互惠互利。
■記者周家誠、吳綺慧、謝嘉成