【甜品控注意】韓國人氣角色聯乘　推限定鹹味雪糕

【甜品控注意】韓國人氣角色聯乘　推限定鹹味雪糕

韓國人氣品牌Jambo Island剛剛推出完電話遊戲、聖誕活動，今個星期又有新搞作。主要角色Ahji、Toki、Ori進駐雪糕品牌Honey Granny位於九龍城廣場的旗艦店，設不同影相區。雪糕店推出灑滿黃色鴨仔脆脆的限定版柚子鹽味牛奶雪糕來歡迎他們，味道鹹鹹，餘韻散發清香的柚子香，好睇又好味。即日起，like Jambo Island Faceboo專頁，到任何一間Honey Granny分店買雪糕就可免費加一款topping。

每個角落都係拍照靚位。

最有驚喜的是灑上wasabi鹽的牛奶雪糕配炭烤焦糖珍寶筒。入口又辣又鹹，味道似足wasabi豆，珍寶筒很鬆脆，亦帶淡淡的苦澀味，中和雪糕的甜，非常美味，$35。

限定Jambo Island雪糕，利用沖繩海鹽調味的北海道牛奶雪糕，口感幼滑，表面的柚子鹽餘韻清新芳香，$39。

喜歡朱古力的可以試試用上法國朱古力名牌Valrhona 70%朱古力做的「法國熱溶朱古力彩虹」，與鹽味牛奶雪糕配襯，只係朱古力份量較少，$36。

Honey Granny (九龍城)

九龍城賈炳達道128號九龍城廣場UG18號舖

記者：吳宛蔚