【藝員回應】
開庭前夕，葉家寶與魏秋樺、黎燕珊手蹺手，在蔡國威、劉錫賢、袁潔儀、鮑起靜等陪伴下，浩浩蕩蕩到達法庭，亞視前一姐鮑起靜對判決感到開心又無奈，認為「唔應該由佢嚟負呢個責」，希望本案案底不會影響葉往後發展，強調葉是一個好人，「應該要負責嘅人出嚟畀呢筆錢（罰款15萬元）」。至於誰應負責，她笑說「老細囉」。
劉錫賢：拖糧係有罪
到場為葉打氣的眾人得悉判罰款後，均鬆一口氣。有關目前的出糧情況，蔡國威及劉錫賢異口同聲謂：「OK呀。」劉再說：「公司有行政調節，下個月會準時出糧，我呼籲大老闆包括傳媒大老闆要以此為鑑，今次唔係一個案例，拖糧係有罪。」蔡則說：「個官分析得好清楚，本身佢係打工，都係受牽連，都幫員工爭取出糧。」
前亞姐陳綺明則說：「聽到佢有事都非常唔開心，家寶係一個正義之士，係正能量，如果社會都接納唔到，我會好難受。佢係超人精神、無私精神、捨己為人，就算拖糧都幫員工爭取。」
■記者黃曉妍