近期零售市道雖然唔係好得，但無阻滙友資本（8088）擴展hmv步伐。銅鑼灣hmv由柏寧酒店搬到明珠廣場試業，「升呢」做埋旗艦店，佔地近4萬呎。對比中環娛樂行的hmv ideal環境明亮，新舖色調較陰暗，灰色水泥牆外露，電梯及餐廳都設有捲閘，行工業風。
店內比較寬敞，出售物品也較為多元化，除了CD及黑膠唱片外，亦有試聽室試音響，店內亦設遊戲中心，可以玩最新的虛擬實境（VR）遊戲，玩15分鐘就要盛惠180蚊，都唔平。不過最特別嘅係，店內有單車賣，係來自台灣嘅Sense30，每部售價大約1.29萬元。店內仲放置復古電單車，買家有興趣都有得傾。
點解新舖同原來hmv ideal咁唔同？滙友資本執行董事何智恒話想吸引年輕人光臨，而中環店則主打OL及「金融人」。噚日hmv行政總裁Robert Esser亦都有為新店撐場。